चोछोक्लाम मेन्माना बेलाबे याक्खा इसाइ समाजका आध्यक्षा पाष्टार लाल बहादुर याक्खाङा न्नाबे न्दाया घाक माम्माहा याॽमिचि येसु सिनेमागा DVD नुङ् याक्खा चेॽयाबे अानुबाद चोगाना ‘लुकाङा छेप्तुना’ छेप्ताप हाप्सुबिचि॥ चोछोक्लाम मेन्दाहोङ् सिनेमा सोॽमेॽमाहा काम लेक्सा, न्ना सिनेमा घाक याक्खाबा याक्खामाचिङा निङ्वा म्बिहोङ् न्सो ङ्खेप्सु॥ हेक्साङ्ना लेन घाक याक्खाचिगा उलुम्बे याक्खा चेॽयाभाङ् साङ्गाति लेक्सा॥ न्ना साङ्गातिबे पास्टार जास बहादुर याक्खाङा निङ्वाफुमागा चेॽया चेक्तुक्सा॥ हाकुहा लेन्चिबे याक्खा इसाइ सामाजङा घाक याक्खाबाचिगा उलुम्बे निङ्वाफुमागा नुसाला तामेॽमागा लागि ना सिनेमा घाक याक्खा तेन-तेन रेन-रेनचिबे सोॽमेमागा तारतुम्बि तोङ्मासिम्मे॥
